Qyzylordada turǵyn úı men gazdandyrý kórsetkishi artyp keledi

QYZYLORDA. KAZINFORM – Qyzylordada taýarlyq gazdy bólshek saýdada ótkizý qyzmetiniń baǵasy kóterilýi múmkin.

Bul týraly «QazaqGaz Aimaq» AQ Qyzylorda óndiristik fılıalynda ótken jarııa tyńdaýda belgili boldy. Oǵan QR UEM Tabıǵı monopolııalardy retteý komıteti oblys boıynsha departamentiniń mamandary, oblystyq máslıhat depýtattary, qoǵamdyq keńes músheleri jáne ózge de jaýapty mekeme ókilderi qatysty. 

Óndiristik fılıal dırektory Aıbek Erǵalı baǵany ózgertý sebebin oblysta turǵyn úı qurylysy men eldi mekenderdi gazdandyrý kórsetkishiniń artýymen baılanystyrdy.

- 2020 jylmen salystyrǵanda ol byltyr 22,5%-ǵa ulǵaıdy. Atap aıtqanda, tórt jyldyń ishinde 34 eldi meken gazǵa qosylǵan. Búginde óńirde abonentter sany 144 myńnan asady. Qazir taýarlyq gazdy bólshek saýdada ótkizý qyzmetiniń baǵasy 20 teńge bolsa, ony taǵy da 2,9 teńgege qymbattatýǵa ótinim berildi. Bul jóninde naqty sheshimdi Tabıǵı monopolııalardy retteý komıtetiniń oblystyq departamenti qabyldaıdy, - dedi fılıal basshysy. 

Buǵan deıin biz taýarlyq gazdyń baǵasy bıylǵy jazǵa qaraı birtindep ósetinin habarlaǵanbyz.