Qyzylordada tymaýratqandar arasynda balalardyń úlesi basym
Qyzylorda oblysynda jyl basynan beri jedel respıratorly vırýsty ınfektsııaǵa shaldyqqandar arasynda 14 jasqa deıingi balalardyń úlesi basym. Olardyń sany 22 myńǵa jýyqtady, dep habarlaıdy Kazinform.
Oblysta jyl basynan beri 33 456 adam jedel respıratorly vırýsty ınfektsııaǵa shaldyqqan.
Onyń ishinde 14 jasqa deıingi balalar úlesi – 21 971.
Al tumaý aýrýy 68 adamnan anyqtaldy, sonyń 20-sy 14 jasqa tolmaǵan balalar arasynda tirkeldi.
«Dúnıejúzilik densaýlyq saqtaý uıymy halyqty tumaýdan qorǵaýdyń jalǵyz jáne tıimdi ádisi retinde tumaýǵa qarsy vaktsınatsııalaýdy usynady. Osy maqsatta tumaýdyń epıdahýalyn turaqtandyrý jáne aýrý deńgeıin tómendetý baǵytynda jyl saıyn jergilikti bıýdjetten tumaýǵa qarsy vaktsına satyp alynady. Bıyl 84 430 doza vaktsına qoımaǵa jetkizildi. Tumaýǵa qarsy ımmýndaýǵa Reseı elinde óndirilgen «Grıppol plıýs» vaktsınasy qoldanylady. Bıylǵy jyldyń qazan aıyndaǵy esep boıynsha 25074 adam tumaýǵa qarsy ekpe aldy», - dedi Qyzylorda oblysynyń sanıtarııalyq-epıdemıologııalyq baqylaý departamentinen.
