Qyzylordada tergeý ızolıatorynda otyrǵan adamǵa jańǵaqqa esirtki salyp ótkizbek bolǵan
QYZYLORDA. KAZINFORM - Qyzylorda oblysynda tergeý ızolıatorynda otyrǵan adamǵa tanysy jańǵaq ishine salyp esirtki ótkizbek bolǵany anyqtaldy.
Qyzylorda oblysy boıynsha qylmystyq-atqarý júıesi departamentiniń №68 mekemesinde qamaýda otyrǵan azamatqa jaqyn tanysy sálem-saýqat ákelgen. Mekeme qyzmetkerleri sálem-saýqatyn tekserý barysynda jańǵaq ishinen ózine tán ótkir ıisi bar jasyl tústi zatty anyqtady.
«Mekemege jedel tergeý toby shaqyrtylyp, anyqtalǵan zatqa sot hımııalyq saraptamasy taǵaıyndaldy. Saraptama qorytyndysymenjasyrylǵan zattyń 8,56 gramm keltirilgen marıhýana ekeni rastaldy. Atalǵan derek boıynsha QR Qylmystyq kodeksiniń 296 -babynyń 2- tarmaǵyna sáıkes sotqa deıingi tergep tekserý amaldary júrgizilip jatyr», - dedi jedel bólim tobynyń jedel ýákili Beknur Baıdúsen.
Mekemege tyıym salynǵan zattardyń ótip ketpeýiniń aldyn alý jumystary júıeli túrde atqarylýda. Tergeý mekemesinde árbir qamaýda otyrǵan aıyptalýshylar men sottalǵan azamattarǵa ákelingen sálem-saýqatty arnaıy quraldarmen tekseriledi.
«Tyıym salynǵan zattardy anyqtaıtyn rentgen apparaty da jumys jasaıdy. Qyzmetkerlerdiń jiti qadaǵalaý barysynda tyıym salynǵan zattar anyqtalyp otyr. Mekeme qyzmetkerleri árbir kelýshilerge sottalǵandardyń paıdalanýy men qoldanylýyna tyıym salynǵan zattardy ákelý zań aldynda jaýap beriletindigin eskertse de, osyndaı jaǵdaılar tirkeldi», – dedi B. Baıdúsen.
Eske salsaq, Qyzylorda oblysynda bıyl moto jáne skýterlerdiń qatysýymen 97 jol apaty tirkeldi.
