Qyzylordada tazalyq saqtamaǵandarǵa 60 mln teńgeden astam aıyppul salyndy
QYZYLORDA. KAZINFORM -Qyzylorda oblysynda «Taza Qazaqstan» respýblıkalyq ekologııalyq aktsııasy jalǵasyp jatyr. Aktsııa aıasynda tártip saqshylary 7700-den astam ákimshilik quqyqbuzýshylyq anyqtady.
Oblystyq polıtsııa departamentiniń baspasóz qyzmeti habarlaǵandaı, abattandyrý qaǵıdalaryn buzý boıynsha 4641, ortaq paıdalaný oryndaryn lastaý boıynsha 3115 derek tirkelip, 60 mln teńgeden astam aıyppul salyndy.
- Іs-shara barysynda 23 mobıldi top qurylyp, 4378 reıd júrgizildi. Nátıjesinde oblys kóleminde 504 zańsyz qoqys tastaý orny anyqtaldy. Ýchaskelik polıtsııa ınspektorlary turaqty túrde profılaktıkalyq is-sharalar ótkizip, turǵyndarǵa tazalyq pen tártipti saqtaý qajettigin túsindirip keledi. Kópqabatty úıler aýlasyndaǵy, sondaı-aq qala mańyndaǵy keıbir aýdandarda beıbereket tastalǵan qoqys ekologııalyq jaǵdaıǵa keri áserin tıgizip otyr. Qoǵam belsendileri men turǵyndar bul máseleni áleýmettik jelilerde jıi kóterip, foto jáne beınematerıaldar jarııalap turady. Polıtsııa bul jarııalanymdardy baqylap, óz quzyreti aıasynda tıisti sharalar qabyldaıdy, - delingen habarlamada.
Ýchaskelik ınspektorlar kópshilikti áleýmettik jelilerde ǵana shaǵym jazýmen shektelmeı, tikeleı polıtsııaǵa habar berýge bolatynyn eskertti.
Búǵan deıin habarlaǵanymyzdaı, Qyzylorda oblysynda 27-29 shilde aralyǵynda ótken «Túngi qaladaǵy balalar» respýblıkalyq jedel profılaktıkalyq is-sharasy qorytyndylandy.