Qyzylordada tártip saqshylary túngi klýbtaǵy zańsyz saqtalǵan zattardy anyqtady

QYZYLORDA. KAZINFORM - Qyzylordada tártip saqshylary túngi klýbtardyń birinde zańsyz saqtalǵan zattardy anyqtady, - dep habarlaıdy Polisia.kz. 

Qyzylorda oblysy polıtsııa departamentiniń qyzmetkerleri óńirde zańdylyq pen qoǵamdyq tártipti qamtamasyz etý maqsatynda turaqty túrde reıdtik is-sharalar júrgizip keledi. Jýyrda ótkizilgen jedel-izdestirý sharalary barysynda esirtki qylmysyna qarsy is-qımyl basqarmasynyń mamandary túngi klýbtardyń birinde zańsyz saqtalǵan zattardy anyqtady.

Tekserý kezinde klýb ishinen eki 10 lıtrlik gaz ballony, arnaıy paketterge salynǵan sharlar jáne kalıan apparaty tárkilenip, olar zattaı dáleldeme retinde tirkeldi.

— Qazirgi ýaqytta atalǵan derek boıynsha QR Qylmystyq kodeksiniń 310-babynyń 1-bóligine (Esirtki nemese ózge de esirtkilik áser beretin zattardy qoldanýǵa arnalǵan prıtondar uıymdastyrý nemese ustaý) sáıkes sotqa deıingi tergeý amaldary bastaldy. Qoǵamdyq tártipti saqtaý jáne quqyq buzýshylyqtyń aldyn alý maqsatynda demalys jáne mereke kúnderi qala aýmaǵynda polıtsııa qyzmeti kúsheıtilgen tártipte jumys isteıdi, - delingen habarlamada. 

Atalǵan óńirdegi barlyq oıyn-saýyq oryny qatań baqylaýǵa alynyp, kezekti tekserýler júrgizilmek. 

Eske sala keteıik, buǵan deıin Qyzylordada sıyrdy jeńil kólikke tıegen urylar ustalǵanyn jazǵan edik.