Qyzylordada talapqa saı kelmeıtin terrorıstik turǵydan osal nysandar anyqtaldy
QYZYLORDA. KAZINFORM – Qyzylorda oblysyndaǵy terrorıstik turǵydan osal nysandardyń qaýipsizdigi turaqty baqylaýda tur.
Oblystyq polıtsııa departamentiniń baspasóz qyzmeti habarlaǵandaı, qazirgi kúni aımaqta osyndaı 986 nysan esepke alynǵan.
– Olardyń qataryna adam kóp jınalatyn oryndar, bilim berý jáne densaýlyq saqtaý uıymdary, mádenıet jáne sport obektileri, sondaı-aq strategııalyq mańyzy bar kásiporyndar kiredi. Tekserý barysynda tehnıkalyq nyǵaıtylý deńgeıi, ınjenerlik-qorǵanys júıeleri, qyzmetkerlerdiń tótenshe jaǵdaıǵa daıyndyǵy tekseriledi. Jyl basynan beri 37 nysan tekserilse, sonyń 10-y talapqa saı bolmaǵany úshin ákimshilik jaýapkershilikke tartyldy. 2 nysanǵa kemshilikterdi joıý týraly nusqama berildi, – delingen habarlamada.
Polıtsııa nysandar túgel barlyq talapqa sáıkes kelgenge deıin tekserýdi jalǵastyrmaq.
Qyzylorda oblystyq polıtsııa departamenti buǵan deıin velosıped urylary úshin qolaıly maýsym bastalǵanyn málimdep, turǵyndardy jeke múlkine muqııat bolýǵa shaqyrǵan edi.
