Qyzylordada taksı júrgizýshisine shabýyl jasaǵandar qolǵa tústi

ASTANA. KAZINFORM - Qyzylordada taksı júrgizýshisine shabýyl jasaǵan eki adam qolǵa tústi.

Qyzylordada eki adam taksı toqtatyp, ózderin qala ortalyǵyna aparyp tastaýyn suraǵan. Júrgizýshi olardy aıtylǵan jerge baǵyt alǵan sátte oǵan shabýyl jasaǵan. 

- Avtokólik salonynyń artynda otyrǵan bireýi ony uryp-soqqan. Júrgizýshiniń telefonyn, qolda bar aqshasyn tartyp alǵan. Sodan keıin ony dalaǵa tastap ketken. Ózderi avtokólikti qala syrtyna tastap, oqıǵa ornynan izin jasyrýǵa tyrysqan. Olardy ustaý boıynsha arnaıy jospar engizildi. Nátıjesinde polıtseıler Shymkent qalasynyń jedel qyzmetkerlerimen jedel is-shara jumysyn júrgizý barysynda eki kúdiktini ustady. Kúdiktiler Almaty oblysynyń turǵyndary bolyp shyqty. Kúdiktiler qamaýǵa alynyp, tergeý áreketi júrgizilip jatyr, - dep málim etti Qyzylorda oblystyq polıtsııa departamentinen.

Eske salsaq, budan buryn Jambyl oblysynda 2,5 aı buryn joǵalǵan jigit Qyzylordadan tabyldy.