Qyzylordada stalkıng isi boıynsha ógeı áke qamaýǵa alyndy

QYZYLORDA. KAZINFORM — Oblystyq polıtsııa departamentiniń baspasóz qyzmeti taratqan málimetke súıensek, qyzylordalyq boıjetkendi ógeı ákesi ańdyp, onyń tynyshtyǵyn buzǵan.

Jábirlenýshiniń aryzy negizinde polıtsııa qyzmetkerleri jedel is-sharalar nátıjesinde kúdiktini ustap, qamaýǵa aldy. Qylmystyq is táýlik ishinde sotqa joldandy.

— Jyl basynan beri oblys aýmaǵynda áıelderge qatysty 6 stalkıng deregi anyqtalyp, joly kesildi. Barlyq jaǵdaıda kúdiktiler jábirlenýshilermen buryn tanys bolǵan. Kóp jaǵdaıda qarym-qatynastyń toqtaǵanyna qaramastan kúdiktiler qýdalaýyn jalǵastyrǵan. Atap aıtqanda, túrli nómirden qońyraý shalǵan, habarlama jazǵan, úıi men jumys ornyna barǵan, áleýmettik jeliler arqyly mazalaǵan. Jábirlenýshiler baılanysyn tolyq úzgenine, nómirin buǵattaǵanyna jáne kezdesýden bas tartqanyna qaramastan qýdalaý áreketteri toqtamaǵan, — delingen habarlamada.

Polıtsııa mundaı quqyqbuzýshylyq úshin zańnama aıasynda qatań jaýapkershilik qarastyrylǵanyn eskertedi. Mundaı jaǵdaıǵa tap bolǵanda dereý polıtsııaǵa habarlasýǵa keńes beredi. 

Eske salaıyq, jýyrda Almatyda azamattardy qasaqana qýdalaý men psıhologııalyq qysymnan qorǵaýǵa baǵyttalǵan Qylmystyq kodekstiń 115-1 baby boıynsha alǵashqy sot úkimderiniń biri shyqty.