Qyzylordada issapar shyǵynyn óz shotyna aýdarǵan bas esepshiler tergelip jatyr
QYZYLORDA. KAZINFORM — Qyzylordada jumysshylardyń jalaqysy men issapar shyǵynyn óz esepshotyna aýdarǵan bas esepshilerdi tergep-tekserý bastaldy.
Oblystyq prokýratýra málimetinshe, Qyzylorda qalasyndaǵy «Daryn» oblystyq qosymsha bilim berý ortalyǵynyń bas esepshisi issapar men jalaqyǵa kózdelgen 50 mln teńgeni, Aqaı aýylyndaǵy № 99 mekteptiń bas esepshisi 42 mln teńge bıýdjet qarajatyn óziniń jeke esepshotyna zańsyz aýdarǵan.
Bul faktiler boıynsha Qylmystyq kodekstiń 189-baby 4-bóliginiń 2-tarmaǵymen sotqa deıingi tergep-tekserý bastaldy.
— Sondaı-aq Jańaqorǵan aýdanyndaǵy 81 jeke balabaqshaǵa 723 mln teńge dotatsııa tólenbeı, sonyń saldarynan 1847 qyzmetker jalaqysyn ala almaǵan. Prokýratýranyń yqpalymen barlyq kásipkerlik sýbektisine tólemder aýdarylyp, jalaqylary berildi. Budan bólek, orta bilim berý uıymdarynda 171 myń oqýshynyń sabaq kestesi sanıtarlyq-epıdemıologııalyq talaptarǵa sáıkes kelmeı, aralyq úzilister qysqartylǵany anyqtaldy, — dedi oblys prokýrory Rızabek Ojarov.
Buǵan deıin Qyzylordadaǵy jergilikti kompanııa 1,2 mlrd teńge qosymsha qun salyǵyn tólemegenin jazǵanbyz.