Qyzylordada sot fıtnes-klýbtan zardap shekken áıelge 1 mıllıon teńge óndirip berdi
QYZYLORDA. KAZINFORM - Qyzylorda qalalyq soty fıtnes-klýbtan zardap shekken áıeldiń paıdasyna 1 mıllıon teńgeden astam ótemaqy óndirip berdi.
Qyzylorda qalalyq sotyna 54 jastaǵy áıel fıtnes-klýbtan keltirgen materıaldyq shyǵyn men moraldyq zııandy óndirý týraly talap qoıýmen júgindi. Onda fıtnes-klýbta júrgen kezde edenniń ylǵal bolýy saldarynan sýǵa arnalǵan qurylǵynyń janyna qulap ketkeni aıtylǵan. Saldarynan áıel dene jaraqatyn alǵan. Sodan keıin jaǵdaıy nasharlap, jedel járdem shaqyrýǵa májbúr bolǵan.
«Alǵan jaraqatyna baılanysty ol uzaq ýaqyt emdelýge májbúr bolǵan. Jumysqa bara almaý saldarynan emdelýge qarajaty bolmaǵan. Densaýlyǵy áli kúnge deıin túzelmegen. Talap qoıýshy Ulttyq ǵylymı travmatologııa jáne ortopedııa ǵylymı ortalyǵynda em alǵan. Onyń fıtnes-klýbta jaraqat alǵandyǵy medıtsınalyq mekemeniń qońyraýlardy tirkeý jýrnalyndaǵy jazbalar jáne basqa qujattarmen dáleldengen. Sot fıtnes-klýb tarapynan tutynýshynyń densaýlyǵy men qaýipsizdigi úshin qajetti sharalar qabyldanbaǵan degen tujyrymǵa keldi. Osyǵan baılanysty talap qoıýshynyń talaby qanaǵattandyryldy. Fıtnes-klýbtan áıeldiń paıdasyna 1 mıllıon teńgeden astam materıaldyq shyǵyn men moraldyq zııan óndirildi», - dep málim etti Qyzylorda oblystyq sotynan.
Vedomstvo málimetinshe, oǵan fıtnes-klýb kelispeı, oblystyq sotqa shaǵym keltirgen bolatyn. Іstiń mán-jaıyn zerttegen sot alqasy birinshi saty sotynyń sheshimin ózgerissiz, apellıatsııalyq shaǵymdy qanaǵattandyrýsyz qaldyrdy.
Eske salsaq, budan buryn Qyzylordada pıramıda quryp, 26 mln teńgeni qaltasyna basqan áıel sottaldy.
