Qyzylordada dárigerler 10 jyl boıy áleýmettik aýdarymdy ala almaı kelgen

QYZYLORDA. KAZINFORM — Qyzylorda qalalyq soty zııandy mindetti áleýmettik aýdarymdy óndirip berýdi suraǵan oblystyq ftızıopýlmonologııa ortalyǵynyń 54 qyzmetkeriniń talap qoıýy boıynsha sheshim shyǵardy.

Ortalyq qyzmetkerlkeri talap qoıý barysynda 10 jyl boıy qyzmetkerlerge tólenetin 5% zııandy mindetti áleýmettik aýdarymdy ala almaı kele jatqanyn kórsetken. 2014-2024 jyldardyń aralyǵyndaǵy mindetti tólemder 36 mıllıon teńgeni shamalady. 

— Qyzmetkerleri atalǵan qarajatty oblystyq ftızıopýlmonologııa ortalyǵynan óndirip berýdi suraǵan. Jaýapker talapty tolyq moıyndady. Sot is materıaldaryn zerdelep, QR Úkimetiniń 2014 jylǵy 26-naýryzdaǵy № 255 «Mindetti kásiptik zeınetaqy jarnalaryn engizý qaǵıdalaryn bekitý týraly» qaýlysyna sáıkes, «Asa qaýipti topqa jatatyn qyzmetkerlerge baılanysty, zııandy mindetti aýdarym boıynsha jumys berýshi 5% zııandy mindetti áleýmettik aýdarym» tóleýge mindetti degen qorytyndyǵa keldi.Sot sheshimimen talap qoıý qanaǵattandyrylyp, mindetti áleýmettik aýdarymdardy jaýapkerden óndirýge sot sheshim etti, — dep habarlady qalalyq sottan.

Eske salsaq, budan buryn Qyzylorda oblysynda bıyl urlyq jasaǵan 299 adam qolǵa tústi.