Qyzylordada sırek kezdesetin aýrýǵa shaldyqqan naýqastardyń dári-dármegine 2,5 ese kóp qarjy bólindi

QYZYLORDA. KAZINFORM — Qyzylorda oblysynyń medıtsına uıymdaryna bıyl «SK-Farmatsııa» JShS 9,5 mlrd teńgege dárilik zattar men medıtsınalyq buıymdardy jetkizip berdi. 

Oblystyq densaýlyq saqtaý basqarmasynan habarlaǵandaı, ótken 11 aıda 163 myń patsıentke 646 myń retsept jazylyp, olar ózine qajetti tegin aldy.

— Dárilik zattardyń 93,5%-y nemese 8,95 mlrd teńge ıgerildi. Medıtsınalyq uıymdardaǵy qaldyq qorynyń kólemi 208 mln teńge. Sırek kezdesetin aýrýǵa shaldyqqan naýqastardyń emine jergilikti bıýdjetten 2022 jylmen salystyrǵanda 2,5 ese kóp qarjy bólindi. 2025 jyly osylaısha 776 mln teńgege ósti, — dedi basqarmanyń bólim basshysy Talǵat Nurtazauly.

Búgingi kúnge deıin jergilikti medıtsına uıymdary 5,6 mln qorap dárilik preparattardy qabyldady. Al 3,9 mln qorap aınalymnan alyndy, bul — jalpy kórsetkishtiń 70,4%-y.

Densaýlyq saqtaý mınıstrliginiń klınıkalyq farmakologııa qyzmetin jetildirý jónindegi 2024-2026 jyldarǵa arnalǵan jol kartasyndaǵy basym baǵyttardyń biri — gospıtaldyq farmatsııa bólimderin ashý.

— Oblys kóleminde qazirgi tańda 13 gospıtaldyq farmatsııa bólimi ashylyp, jumys jasap tur. Jol kartasyna sáıkes 2026 jyldyń sońyna deıin qosymsha 5 medıtsınalyq uıymda osyndaı bólimder ashylýy tıis, — dedi Talǵat Nurtazauly.

Aıta keteıik, «Áleýmettik ámııan» tsıfrlyq servısi engizilgen sátten bastap elimizde azamattarǵa yńǵaıly tsıfrlyq formatta dári-dármek berý boıynsha 13 mln-nan astam qyzmet kórsetildi.