Qyzylordada Syrdarııa jaǵalaýyndaǵy qorǵanys bógeti kúsheıtilip jatyr
QYZYLORDA. KAZINFORM – Qyzylorda qalasynda Syrdarııa ózeniniń jaǵalaýyndaǵy qorǵanys bógeti josparǵa sáıkes kúsheıtilip jatyr.
Qala ákiminiń baspasóz qyzmeti habarlaǵandaı, joba 3 shaqyrym aýmaqty qamtıdy.
- Oǵan 50 maman men 18 arnaıy tehnıka jumyldyrylǵan. 2 shaqyrym ýchaskege geobekitkish torlar tóselip, taspen toltyrylady. Qalǵan bólikte eńis qalyptastyrý jumysy jalǵasyp jatyr. Arnaıy tirek qurylymdary jaǵany sý shaıýdan qorǵaıdy. Al jaıaý júrginshiler men velojolaqtar turǵyndardyń qaýipsiz ári jaıly qozǵalysyn qamtamasyz etedi, - delingen habarlamada.
Ázirge jobanyń 50%-y oryndaldy.
Eske salaıyq, Qazaqstan men Ózbekstan birlesip, Syrdarııa ózeniniń sýyn esepke alý júıesin avtomattandyrmaq.
