Qyzylordada sıntetıkalyq esirtkini jarnamalaıtyn 1120 saıt buǵattaldy

QYZYLORDA. KAZINFORM — Qyzylorda oblystyq polıtsııa departamentiniń esirtki qylmysyna qarsy is-qımyl basqarmasy jyl basynan beri 237 quqyq buzýdy anyqtaldy. 

Departamenttiń baspasóz qyzmeti habarlaǵandaı, onyń 66-sy — esirtki ósirý, 22-si — esirtki ótkizý, 5-i — esirtki jarnamalaý derekteri. Sondaı-aq esirtkini asa iri mólsherde saqtaý, esirtki tutynýǵa kóndirý qylmystary áshkerelendi. 

— Zańsyz aınalymnan 1 tonna 570 kılogramm esirtki zaty alyndy. Onyń ishinde sora, marıhýana, kóknár men sıntetıkalyq esirtkiniń salmaǵy basym. Úı jaǵdaıynda sora ósimdigin ósirgen 5 fıtozerthana anyqtaldy. Oblys ortalyǵyndaǵy kópqabatty úı aýlalary, garajdar men qurylys aýmaqtarynyń arasyn tekserý nátıjesinde esirtkini jarnamalaıtyn graffıtı sýretteriniń azaıǵany anyqtaldy, — delingen habarlamada.

«Kıbernadzor» aqparattyq júıesine sıntetıkalyq esirtkini jarnamalaıtyn 1120 saıt engizilip, buǵattaldy. 

Al keshe biz Oralda «Quqyqtyq tártip» jedel aldyn alý is-sharasy barysynda garajynyń jertólesinde zańsyz fıtozerthana jabdyqtaǵan qala turǵyny ustalǵanyn jazǵanbyz.