Qyzylordada sıntetıkalyq esirtki zatyn saqtaǵan turǵyn sottaldy
QYZYLORDA. KAZINFORM - Qyzylorda qalalyq soty sıntetıkalyq esirtki zatyn saqtaǵan 37 jastaǵy turǵynǵa úkim shyǵardy.
Qyzylorda oblystyq PD esirtki qylmysyna qarsy is-qımyl basqarmasynyń qyzmetkerleri 2023 jyldyń sáýir aıynda Qyzylorda qalasynda «Ravon-R4» avtokóliginen esirtki quraldary, psıhotroptyq zattar men prekýrsorlar tárkilegen edi.
«Zertteý saraptamasymen tárkilengen zat 2,78 gramdy quraıtyn psıhotroptyq zat ekeni rastaldy. Psıhotroptyq zattyn ıesi ony taýyp alǵanyn aıtty. Sodan keıin ony dostarymen birge qoldanǵanyn aıtyp, óziniń kinásin moıyndady. Ókinetinin jetkizip, jeńil jaza taǵaıyndaýdy surady. Sottyń úkimine sáıkes, oǵan úsh jylǵa bas bostandyǵynan aıyrý jazasy taǵaıyndaldy», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada áıelin óz-ózin óltirýge deıin jetkizgen er adam sottaldy.
