Qyzylordada sıntetıkalyq esirtki taratýshy 10 jylǵa sottaldy

QYZYLORDA. KAZINFORM - Qyzylordada esirtki taratqan adam 10 jylǵa bas bostandyǵynan aıyryldy. 

Sot sıntetıkalyq esirtki zatyn taratqan 20 jastaǵy qyzylordalyqqa úkim shyǵardy. Bıylǵy jyldyń aqpan aıynda ony oblys ortalyǵyndaǵy móltek aýdandardyń birinde polıtseıler qolǵa túsirdi.

«Júrgizilgen shara barysynda odan 10,53 gramm júıkege áser etetin zattar alynǵan. Bul úlken mólsherdegi sıntetıkalyq preparattarǵa jatady. Onyń aıtýynsha, ol mobıldi qosymsha arqyly tapsyrys qabyldap, sıntetıkany qala ishindegi belgili bir jasyryn jerlerge salyp otyrǵan. Sotta aıyptalýshy óziniń kinásin moıyndady. Ustalǵan azamat kináli dep tanylyp, 10 jyl merzimge bas bostandyǵynan aıyryldy. Sot úkimi zańdy kúshine endi», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada tergeý ızolıatorynda otyrǵan adamǵa jańǵaqqa esirtki salyp ótkizbek bolǵan.