Qyzylordada sıyrdy jeńil kólikke tıegen urylar ustaldy

QYZYLORDA. KAZINFORM — Qyzylordalyq polıtseıler sıyrdy jeńil kólikke salyp alǵan mal urylaryn ustady.

Oqıǵa Qazaly aýdanyna qarasty Aqtan batyr aýylynyń tusynda bolǵan.

— Kúsheıtilgen túrde kezekshilikte júrgen polıtsııa qyzmetkerleri «Qaýipsiz jol» is-sharasy barysynda Aqtan batyr aýylyna jaqyn jerde ótip bara jatqan «Volkswagen» markaly kólikti toqtatty. Tekserý barysynda polıtseıler kóliktiń bagajynda jatqan sıyrdy kóredi. Eki er adam sıyrdy kórshi aýyldan urlap, satýǵa apara jatqandyǵy belgili boldy. Kúdiktiler ýaqytsha ustaý ızolıatoryna qamaldy. Avtokólik aıyp alańyna qoıyldy. Urlyq deregi boıynsha qylmystyq is qozǵalyp, tergeý júrgizilýde. Kúdiktilerdiń basqa da osy tektes derekterge qatystylyǵy tekserilýde, — dep málim etti Qyzylorda oblystyq Polıtsııa departamentinen.

Eske salsaq, budan buryn Qyzylorda oblysynda negizsiz alynǵan 150 mln teńge sýbsıdııa qaıtaryldy.