Qyzylordada sheteldik ınvestor kezikken máselege prokýrorlar aralasty

QYZYLORDA. KAZINFORM — «Aksa Energy Qyzylorda» JShS Qyzylorda oblysynda qýattylyǵy 240 MVt jylý elektr ortalyǵyn salyp jatyr. Aýqymdy ınvestjobanyń aldynda kezdesken máselege prokýrorlar aralasty. 

Bul — sheteldik ınvestor júzege asyryp jatqan eldegi iri energetıkalyq jobalardyń biri.

— Jobanyń jalpy quny — 215 mlrd teńge. Onyń aıasynda 150 jańa jumys ornyn ashý josparlanǵan. Degenmen, ınvestor ınvestıtsııalyq kelisimshart jasasý kezinde qıyndyqtarǵa tap boldy. Atap aıtqanda, jabdyqtardy naqty jetkizý sátine deıin tehnıkalyq qujattamanyń tolyq paketin usynbaýy kelisimshartty rásimdeýge kedergi keltirgen. Prokýrorlyq yqpal etý sharalarynyń nátıjesinde ınvestıtsııalyq kelisimshartqa qol qoıylyp, jobany iske asyrý merzimi saqtaldy, — delingen oblystyq prokýratýranyń habarlamasynda. 

Sonymen qatar ınvestıtsııalyq jobany iske asyrý barysynda týyndaǵan 6 ózekti másele ýaqytyly sheshimin tapty.

Buǵan deıin biz Qyzylordada azyq-túlik baǵasyn negizsiz kóterýdiń 30 deregi anyqtalǵanyn jazǵanbyz.