Qyzylordada shegirtke qaýip tóndirgen 70,5 myń gektardan astam jer óńdeldi

QYZYLORDA. KAZINFORM – Bıyl Qyzylorda oblysynda erekshe qaýipti shegirtke túrlerine qarsy 70 682 gektar jer hımııalyq tásilmen óńdeldi. Bul týraly AShM Agroónerkásiptik keshendegi memlekettik ınspektsııa komıtetiniń Qyzylorda oblystyq aýmaqtyq ınspektsııasy málimdedi. 

Onyń ishinde ıtalııalyq prýsqa qarsy 35 360 gektar, azııalyq shegirtkege qarsy 35 322 gektar, saıaq shegirtkege qarsy 55 394 gektar jer zalalsyzdandyryldy.

– Zııankeske qarsy kúres bıýdjet qarajaty esebinen júzege asyryldy. Memlekettik satyp alý konkýrsy nátıjesinde anyqtalǵan «Avıakompanııa «Delta-ıÝg», «Baǵjan», «Fıtosanıtarııa», «Aero» sııaqty merdigerler ushaqpen, pılotsyz avıatsııamen, ıaǵnı dronmen, jer agregatymen hımııalyq óńdeý júrgizdi. Fıtosanıtarııalyq jumysqa barlyǵy 23 tehnıka jumyldyryldy, - dedi ınspektsııa basshysy Muhtar Orazbaev. 

Bıyl sondaı-aq óńirde jataǵan ý kekirege qarsy 97,5 gektar, qaýyn shybynyna qarsy 1750 gektar, kalıfornııalyq qalqansha symyryna qarsy 34,5 gektar, aramsoıaý qaýip tóndirýi múmkin 427,87 gektar jerdi óńdeý josparlanyp otyr. 

AShM Agroónerkásiptik keshendegi memlekettik ınspektsııa komıteti tóraǵasynyń orynbasary Saıat Saqmoldın buǵan deıin respýblıka aýmaǵynda egistik alqaptaryna, jaıylymdar men shabyndyqtarǵa shegirtkeden zııan kelmegenin málimdedi.