Qyzylordada shashtarazda shyqqan órtten 40 adam evakýatsııalandy

QYZYLORDA. KAZINFORM - Qyzylorda qalasynda shashtarazda shyqqan órtten kóp qabatty úıdegi 40 adam evakýatsııalandy. Onyń ishinde 11-i bala.

18 aqpanda Qyzylorda oblystyq tótenshe jaǵdaılar departamentine bes qabatty turǵyn úıdiń birinshi qabatynda ornalasqan shashtarazynda órt shyqqany jóninde habarlama kelip túsken.

«Tótenshe jaǵdaılar departamenti kúshimen baspaldaq arqyly 40 adam evakýatsııalandy, onyń ishinde 11 bala. Qaza bolǵandar men zardap shekkender joq. Oqıǵa ornynda Tótenshe jaǵdaılar departamentiniń 28 qyzmetkeri 9 birlik tehnıkasymen jumyldyryldy», - dep málim etti Qyzylorda oblystyq tótenshe jaǵdaılar departamentinen.

Eske salsaq, budan buryn Qyzylorda oblysynda jolda qalyp qoıǵan 4 myń jolaýshyǵa kómek kórsetildi.