Qyzylordada saılaýshylardy robot qarsy aldy
QYZYLORDA. KAZINFORM — Respýblıkalyq Quryltaı saılaýynda Qyzylorda qalasyndaǵy № 200 saılaý ýchaskesinde saılaýshylardy robot qarsy aldy. Bul týraly oblystyq aýmaqtyq saılaý komıssııasy habarlady.
Zamanaýı tehnologııa elementi retinde engizilgen robot kelýshilerge Quryltaı saılaýy týraly qysqasha aqparat berip, daýys berý tártibi jóninde málimet usyndy.
— Robot kómekshi balalarymen birge daýys berýge kelgen saılaýshylarǵa erekshe kóńil-kúı syılady. S. Tolybekov atyndaǵy № 3 mektepte ornalasqan saılaý ýchaskesinde 1103 saılaýshy daýys berýge quqyly, — delingen habarlamada.
Aıta keteıik, óńirde 386 ýchaske qurylyp, 2720 komıssııa múshesi qyzmet atqaryp jatyr. Aımaqta 500 591 azamat daýys berý quqyly.
Al Ulytaý oblysy, Ulytaý aýdanyndaǵy № 123 saılaý ýchaskesinde kelýshilerdi erekshe keıipker — Ulytaýdyń tabıǵı bolmysyn beıneleıtin «Ular» qusy qarsy aldy.
