Qyzylordada saılaý ýchaskesin ońaı tabýǵa múmkindik beretin jańa servıs iske qosyldy
QYZYLORDA. KAZINFORM – Qyzylordalyq saılaýshylar 23 tamyz kúngi Quryltaı saılaýy kezinde óz ýchaskesin onlaın platformalar arqyly ońaı taba alady. Ol úshin oblystyń aýmaqtyq saılaý komıssııasy jergilikti ákimdikpen birge jańa servısti iske qosty.
Servıs «Ózińdi saılaýshylar tiziminen tekser» dep atalady. Onlaın platforma 3 baǵytta jumys isteıdi. Alǵashqysy – saylau.orda.gov.kz saıty. Munda saılaýshylar ózin tabý jolaǵyna JSN engize otyryp, tirkelgen jeri boıynsha daýys berý ýchaskesin taba alady. Saıt avtomatty túrde saılaý ýchaskesiniń nómirin, onyń mekenjaıyn, baılanys telefonyn jáne komıssııa quramyn kórsetedi. Saılaýshylar óz ýchaskesine barý syzbasyn da bile alady.
- Odan bólek platformada esepten shyǵarý kýáligin alý tártibi jáne sall-ortalyqtarmen baılanys jasaý joldary kórsetilgen. Servıste 109 nómirli biryńǵaı baılanys ortalyǵyna suraqtar qoıýǵa jáne qońyraýlar geografııasyn kórýge múmkindik bar. Saılaýshylar onlaın platformada jasandy ıntellekt kómegimen jasalǵan «Daryn AI» atty robot kómekshini de qoldana alady. Ol saılaýǵa qatysty birqatar saýalǵa jaýap beredi, - dedi oblystyń aýmaqtyq saılaý komıssııasynyń múshesi Abaı Taǵybergen.
Turǵyndar platforma qyzmetin Smart Qyzylorda mobıldi qosymshasynyń kómegimen Telegram botynan da paıdalana alady.
Aıta keteıik, Qyzylorda oblysynda 386 ýchaskelik saılaý komıssııasy bar. Munda 2720 komıssııa múshesi qyzmet atqarmaq. Kúntizbelik josparǵa sáıkes óńirdegi barlyq ýchaske 3 tamyzdan bastap jumysyna kirisedi. Al 7 tamyzdan bastap azamattar ýchaskege kelip, esepten shyǵarý kýáligin alýǵa quqyly.
