Qyzylordada sáýir aıynyń aýa raıy boljamy jarııalandy
QYZYLORDA. KAZINFORM – Sınoptıkter aldaǵy aıda Qyzylorda oblysynda aýa raıy qalaı bolatynyna boljam jasady.
«Qazgıdromet» RMK Qyzylorda oblysy boıynsha fılıalynyń málimetinshe, sáýirde ortasha aýa temperatýrasy ádettegiden 1-2° joǵary bolady. Sóıtip, ol +13,2°S jáne +16,6°S-ge kóteriledi.
– Jaýyn-shashynnyń aılyq mólsheri oblystyń basym bóliginde normadan az, oblystyń soltústik-batysynda jáne ońtústik-shyǵysynda qalypty bolady dep boljaımyz. Jańbyr ekinshi onkúndiktiń basynda, úshinshi onkúndiktiń basynda jáne sońynda jaýýy múmkin. Shańdy daýyl birinshi onkúndiktiń ortasynda, ekinshi onkúndiktiń basyna týra keledi. Naızaǵaı ekinshi, úshinshi onkúndikterdiń basynda kútilip otyr, – dedi fılıaldyń meteoboljaý bóliminiń bastyǵy Áıgerim Jókelova.
«Qazgıdromet» mamandary óńirde bir aı ishinde sekýndyna 15-20 metr ekpinmen soǵatyn jel jıi bolýy múmkin ekenin jetkizdi.
Mamandardyń boljamynsha, búgin elimizdiń ońtústik aımaqtarynda jaýyn-shashyn bolady.