Qyzylordada saýda ortalyǵynda bomba bar degen habar jalǵan bolyp shyqty

QYZYLORDA. KAZINFORM — Qyzylorda qalasynda saýda ortalyǵynda jarylǵysh zat bar ekendigi jónindegi habarlama jalǵan bolyp shyqty.

Áleýmettik jelide aıtylǵandaı, 1 shildede qala ortalyǵynda ornalasqan saýda ortalyǵynda jarylǵysh zat bar ekendigi jóninde habar túsken.

Turǵyndar syrtqa shyǵarylǵan.

Oqıǵaǵa baılanysty Qyzylorda oblystyq polıtsııa departamenti túsinikteme berdi.

«Oqıǵa ornyna shuǵyl túrde jedel qyzmetkerler jiberildi. Tekserý jumystary júrgizilip, nátıjesinde tyıym salynǵan zattar men jarylǵysh qurylǵylar tabylǵan joq. Qyzylorda oblysynyń polıtsııa departamenti terrorızm aktisi týraly kórineý jalǵan habarlama úshin jaýapkershilik qarastyrylǵanyn eskertedi», — dep atap ótti departamentten.

Eske salsaq, budan buryn Qyzylordada qalalyq ortalyq emhanadan órt shyqqan edi.