Qyzylordada sanıtarııalyq talap saqtamaǵandarǵa 22 mln 800 myń teńgege jýyq aıyppul salyndy

QYZYLORDA. KAZINFORM — Qyzylorda oblysynda ótken jyly ishki saýda naryǵy aınalymyndaǵy ónimder qaýipsizdigine baqylaý júrgizý maqsatynda saýda oryndarynan 1 766 ónim synamasy satyp alyndy.

Oblystyq sanıtarııalyq-epıdemıologııalyq baqylaý departamentiniń málimetinshe, synamanyń 69,7%-y taǵam ónimderine, 30,3%-y odan bólek ónimderge tıesili. 

— Saraptama nátıjesinde 317 úlginiń tehnıkalyq reglament talaptaryna saı kelmeıtini anyqtaldy. Atap aıtqanda, mıkrobıologııalyq kórsetkish boıynsha 4, fızıkalyq-hımııalyq kórsetkish boıynsha 11, tańbalanýy boıynsha 247 jáne fızıkalyq faktorlar boıynsha 4 sáıkessizdik anyqtaldy. Sáıkes kelmegen ónimder boıynsha 100 saýda obektisine jedel den qoıý sharalaryn qoldaný týraly qaýly rásimdeldi. Jalpy quny 1 mln 240 myń teńgeden asatyn 818 kılogramm ónim saýdadan alyndy, — delingen habarlamada.

Departament qyzmetkerleri byltyr 15 josparly tekserý júrgizip, 14 zańbuzýshylyqty anyqtady. Zań buzǵandarǵa 3,5 mln teńgeden astam aıyppul salynǵan. Jospardan tys tekserý qorytyndysynda 124 zańbuzýshylyq tirkelip, 22 mln 800 myń teńgege jýyq aıyppul salyndy. 

Eske salaıyq, byltyr Qyzylorda oblysynda juqpaly aýrýlar boıynsha epıdemıologııalyq ahýal turaqty boldy.