Qyzylordada sanıtarııalyq talapqa saı kelmeıtin ónimder saýdadan alynatyn boldy
QYZYLORDA. KAZINFORM – Bıyl 6 aıda Qyzylorda oblysynda ónim qaýipsizdigin baqylaý maqsatynda saýda oryndarynan 1022 synama alyndy. Oblystyq sanıtarııalyq-epıdemıologııalyq baqylaý departamentiniń málimetinshe, onyń basym bóligi, ıaǵnı 75,2%-y – taǵam ónimderi.
- Saraptama nátıjesinde 146 úlgi tehnıkalyq reglament talabyna saı bolmaı shyqty. Onyń basym kópshiliginen, ıaǵnı 140 synamadan tańbalanýy boıynsha sáıkessizdik anyqtaldy. 36 saýda obektisine talapqa sáıkes kelmeıtin ónimdi aınalymnan alý jáne ótkizýden keri qaıtaryp alý týraly jedel den qoıý sharalaryn qoldaný jóninde qaýly joldandy. Taýarynan sáıkessizdik anyqtalǵan otandyq óndirýshilerge tıisti shara qabyldaý qajettigi eskertilip, habarlama jiberildi, - dedi departament basshysynyń orynbasary Erlan Uzaqbaev.
Іlespe qujatsyz saýda jasaǵan 6 kásipkerlik sýbektisinen ákimshilik aıyppul óndirildi.
Buǵan deıin Astanada fıtosanıtarııalyq talaptardy buza otyryp ákelingen sándik ósimdikter joıyldy.
