Qyzylordada respýblıkalyq jáne jergilikti joldardyń sapasynan kemshilikter shyqty
QYZYLORDA. KAZINFORM — «Jol aktıvteri sapasynyń ulttyq ortalyǵy» RMK Qyzylorda oblysy boıynsha fılıalynyń mamandary bıyl 11 aıda 935 ret jolǵa shyǵyp, jumys pen materıaldardyń sapasyn tekserdi.
Joldan alynǵan 3141 synamanyń 966-sy normatıvke sáıkes bolmaı shyqty. Búgingi kúni onyń 358-i qaıta qalpyna keltirildi.
— Qyzmetkerler respýblıkalyq mańyzdaǵy joldarǵa 266 ret shyǵyp, 1049 synama aldy. Normatıvke sáıkes kelmegen 345 synamanyń 241-i qaıta qalpyna keltirilgen. Jergilikti joldar boıynsha 2092 synamanyń 621-i talapqa jaýap bergen joq. 11 kemshilik túzeldi, — delingen fılıal habarlamasynda.
Bıyl Qyzylorda-Pvlodar-Ýspenka-Reseı shekarasy, Qyzylorda qalasyndaǵy Syrdarııa ózeniniń Ábilqaıyr han kóshesinen Salamatov kóshesine deıingi qorǵanysh bógeti bekitildi. Táýelsizdikke 25 jyl kóshesi paıdalanýǵa berildi. Degenmen bulardan da kemshilikter anyqtalǵan.
— Qyzylorda-Pvlodar-Ýspenka-Reseı shekarasy avtomobıl jolynyń qurylysy boıynsha 88 ret tekserý júrgizildi. 611 synamanyń 9-y normatıvke sáıkes kelmegen. 55 synama qaıta qalpyna keltirilgen. 8 aqaý tirkelip, onyń altaýy qalpyna keltirilgen, — delingen habarlamada.
Buǵan deıin habarlaǵanymyzdaı, aldaǵy ýaqytta Qyzylorda qalasynan Aqtóbe oblysynyń shekarasyna deıingi 566 shaqyrym jol 1-shi sanatqa aýystyrylady.
