Qyzylordada respýblıkalyq mańyzdaǵy jol boıyna avtomattandyrylǵan ólsheý stansasy ornatyldy
QYZYLORDA. KAZINFORM – Qyzylorda oblysynda respýblıkalyq mańyzy bar KAZ06 Qarabutaq – Qyzylorda – Shymkent avtomobıl jolynyń 1836-shaqyrymynda avtomattandyrylǵan ólsheý stansasy ornatyldy.
«QazAvtoJol» UK» AQ málimdegendeı, bul júıe aýyr júk kólikteriniń salmaq parametrlerin qozǵalys barysynda avtomatty túrde ólsheýge múmkindik beredi.
- Zamanaýı tehnologııa kólik aǵynyn toqtatpaı-aq ostik júktemeni, jalpy salmaqty jáne basqa da qajet parametrlerdi tirkeıdi. Avtomattandyrylǵan ólsheý stansasynyń negizgi maqsaty – aýyr salmaqty kólikterdiń belgilengen normadan artyq júk tasymaldaýyn anyqtaý, jol jabynynyń merziminen buryn búlinýiniń aldyn alý jáne avtomobıl joldarynyń uzaq qyzmet etýin qamtamasyz etý, - delingen habarlamada.
Buǵan deıin biz Qyzylorda-Sekseýil avtojolyn damytý jobasy aıasynda oblys ortalyǵynda aınalma jol qurylysynyń qarqyny kúsheıgenin jazdyq.
Jobanyń birinshi kezeńin júzege asyrýshy – «QazAvtoJol» UK AQ.
