Qyzylordada raqymshylyqqa ilikken jazasyn óteýshilerdiń aldy bostandyqqa shyqty
QYZYLORDA. KAZINFORM – Qyzylorda qalasynyń probatsııa qyzmetinde jańa Konstıtýtsııanyń qabyldanýyna baılanysty raqymshylyq jasaý týraly zańǵa sáıkes jumys atqarylyp jatyr.
Oblystyq qylmystyq atqarý júıesi departamentiniń málimetinshe, probatsııa esebindegi 150-den astam adamǵa raqymshylyq qoldaný jónindegi is qujattary sotqa joldandy.
Búginge deıin 3 adamǵa qatysty sot otyrysy ótip, sot qaýlysymen olar jazadan bosatyldy. Azamattar sot zalynan bosap shyǵyp, olardyń quqyǵyn, aldaǵy ýaqytta zań talaptaryn saqtaý, qoǵamǵa beıimdelýine qatysty túsindirý jumysy júrgizildi.
Bostandyqqa shyqqandardyń biri raqymshylyqtyń ómirine jańa múmkindik syılaǵanyn aıtty.
– Jasaǵan isime ókinemin. Endigi maqsatym – adal eńbek etip, otbasymnyń janynda bolyp, balalarymnyń tárbıesine kóńil bólý. Aldaǵy ómirimde zań talaptaryn qatań saqtap, qoǵamnyń tolyqqandy múshesi bolýǵa bar kúshimdi salamyn, – dedi ol.
Al Pavlodar qalasynyń qylmystyq ister jónindegi aýdanaralyq sotyna 167 materıal joldanǵan.
