Qyzylordada Qnet qarjy pıramıdasymen aınalysqan 3 kúdikti qamaýǵa alyndy
Qyzylorda oblysy boıynsha ekonomıkalyq tergep tekserý departamenti Qnet qarjy pıramıdasymen aınalysqan 3 kúdiktini qamaýǵa aldy, dep habarlaıdy Kazinform.
Kúdiktiler Qyzylorda qalasynyń aýmaǵynda Qnet kompanııasynyń qurylymdyq bólimshesin uıymdastyrǵan. Olar jelilik marketıng jáne elektrondyq kommertsııa degen jeleýmen Qyzylorda qalasynyń 35 turǵynynan 2019-2022 jyldardyń aralyǵynda 44 mln teńgege jýyq kólemde aqsha qarajatyn tartqan.
«Tergeý barysynda jábirlenýshilerdiń kompanııaǵa 840 myńnan 1,2 mln teńge kóleminde qarjy salǵany belgili boldy. Sot sanktsııasy negizinde úsh kúdikti qamaýǵa alyndy. Sotqa deıingi tergeý jumystary júrgizilip jatyr.
QR Qylmystyq-protsestik kodeksine sáıkes 201-babyna sáıkes basqa aqparat jarııalanbaıdy», - dep málim etti Qyzylorda oblysy boıynsha ekonomıkalyq tergep tekserý departamentinen.
Eske salsaq, budan buryn Qyzylordada jalǵan aqshamen saýda jasaǵan turǵyn bas bostandyǵynan aıyryldy.
