Qyzylordada prokýrorlar jasandy ıntellekti arqyly 151 qylmys deregin ashty
QYZYLORDA. KAZINFORM - Qyzylorda oblysynda prokýrorlar jasandy ıntellekti arqyly 151 qylmys deregin ashyp, 62 qylmysker ustaldy.
Oblys prokýratýrasy alaıaqtyqqa qarsy kúreste jasandy ıntellekti paıdalanyp keledi. Bul baǵytta «IT TERGEU» jobasyn ázirledi. Ol jasandy ıntellekttiń múmkindigin sot-tergeý tájirıbesinde tıimdi qoldanýǵa baǵyttalǵan.
- Joba úshin oblystyq bıýdjetten 85 mln teńge bólinip, aqparattyq-taldaý baǵdarlamalary satyp alyndy. Olardyń kómegimen 749 qylmystyq is boıynsha 1074 uıaly telefon nómirleri tekserildi. Nátıjesinde 151 qylmys deregi ashylyp, 62 qylmysker ustaldy. Sondaı-aq, 2 kıber qylmystyq top, 52 dropper men habar-osharsyz ketken 91 adam tabyldy. Internet alaıaqtyq boıynsha 264 qylmystyq istiń 78-i sotqa joldanyp, kórsetkish 29%-ǵa artty. Bankter men mıkroqarjy uıymdaryna qatysty 52 istiń kúmándi esepshot tranzaktsııalaryn toqtatý úshin antıfrod ortalyǵyna suranys joldandy, - dep málim etti Qyzylorda oblystyq prokýratýrasynan.
Óńirde profılaktıkalyq jumystar aıasynda qarjy ınstıtýttary ókilderimen birneshe resmı kezdesý ótkizildi. Sondaı-aq, QR Qylmystyq protsestik kodeksiniń 200-babyna sáıkes 25 usynys engizildi.
Eske salsaq, Qyzylorda oblysynda prokýratýra ınvestordy negizsiz salynǵan aıyppul tóleýden bosatty.