Qyzylordada prokýratýra yqpalymen kúshi joıylǵan sot qaýlylarynyń sany 60%-ǵa ósti

QYZYLORDA. KAZINFORM – Qyzylorda oblysyndaǵy sottarda prokýrorlardyń qatysýy mindetti sanattaǵy 217 azamattyq jáne ákimshilik is qaraldy.

Prokýrorlyq qadaǵalaý aktisi negizinde sottyń 3 sheshiminiń kúshi joıylyp, zańǵa sáıkestendirildi.

– Ótinishhat boıynsha 15,5 mln teńge kóleminde zańsyz paıdalanylǵan memlekettik sýbsıdııa jáne 2,3 mln teńge kóleminde negizsiz tólengen jalaqy memleket bıýdjetine óndirildi. 952 ákimshilik iske prokýror qatysyp, 24 apellıatsııalyq ótinishhatqa sáıkes sot aktileriniń kúshi joıyldy. Ótken jylmen salystyrǵanda prokýratýranyń yqpalymen kúshi joıylǵan sot qaýlylarynyń sany 60% ósip otyr, – delingen oblystyq prokýratýranyń habarlamasynda.

Qyzylorda oblystyq prokýratýrasy jyl basynan beri 7145 jumysshynyń quqyǵyn, onyń ishinde 6342 adamnyń konstıtýtsııalyq quqyǵyn qorǵady.