Qyzylordada probatsııa esebindegi 19 adam túrmege jiberildi

QYZYLORDA. KAZINFORM – Qyzylorda oblysynda urlyq jasap ustalyp, bas bostandyǵy shektelgen turǵyn tártipke baǵynbaǵany úshin túrmege jiberildi. 

Buǵan deıin jasaǵan qylmysy úshin sot onyń bas bostandyǵyn 4 jyl merzimge shektegen. Sóıtip, Qarmaqshy aýdandyq probatsııa qyzmetiniń esebine alynǵan.

— Oǵan turǵylyqty meken-jaıynda bar-joǵyn qadaǵalaýǵa múmkindik beretin elektrondy baqylaý qurylǵysy taǵylǵan. Probatsııa ınspektorlary birneshe ret eskertý jasap, jaza óteý tártibi men mindetterin túsindirse de sottalǵan turǵyn keshki saǵat 22.00-den keıin kórsetilgen meken-jaıda bolmaǵan. Elektrondy qurylǵy arqyly onyń 3 ret jaza óteý tártibin jáne 2 ret ákimshilik quqyq buzǵany anyqtaldy, — delingen oblystyq qylmystyq atqarý júıesi departamentiniń habarlamasynda. 

Probatsııa qyzmetiniń usynysymen sot onyń jazasynyń ótelmegen bóligin, ıaǵnı 3 jyl 7 aı 16 kún merzimin bas bostandyǵynan aıyrý jazasyna aýystyrdy. 

Departamenttiń málimetine súıensek, jyl basynan beri Qyzylorda oblysy boıynsha probatsııa qyzmetiniń esebinde turǵan 19 adam jaza óteý tártibin buzǵany úshin sot sheshimimen bas bostandyǵynan aıyrylǵan. 

Aıta keteıik, osydan buryn 5 jylda Qyzylordada sottalǵandar sany 57,5%-ǵa óskenin jazǵan edik. Jalpy Qyzylorda oblysynda qylmystyq atqarý júıesine qarasty 3 mekeme bar. Olarda 1 400-ge jýyq adam jazasyn ótep jatyr.