Qyzylordada probatsııa esebinde turǵan 6 azamat qaıtarymsyz qarajat utyp aldy
QYZYLORDA. KAZINFORM — Qyzylorda qalalyq probatsııa esebindegi taǵy 6 azamat memleketten qaıtarymsyz grant utyp aldy.
Olar «Bastaý Bıznes» jobasy aıasynda kásipkerlik negizinde Atameken kásipkerlik palatasynda oqytylyp, mal sharýashylyǵy, boıynsha bıznes jobasyn daıyndap, 1 mln 476 myń teńge kóleminde memleket tarapynan qaıtarymsyz grant utyp aldy.
Qyzylorda qalalyq probatsııa qyzmetiniń bastyǵy ádilet maıory Farıza Sembaevanyń aıtýynsha esepte turatyn sottalǵandar áleýmettik-quqyqtyq kómekterdi alyp jatyr, sonyń ishinde jeke kásibin ashyp damytýshylar sany kóbeıip otyr.
— Jyl basynan 3 sottalǵan memleketten qaıtarymsyz grant utyp, mine taǵy 6 sottalǵan bıznes josparlaryn qorǵap, qarajat utyp aldy. Búgin osy alty azamatqa sertıfıkattary tabys etildi. Probatsııa esebindegi sottalǵandardyń jeke kásip ashýy, olardyń ómirge degen kózqarastaryn ózgertip, qoǵamǵa tez beıimdelip ketýine septigi mol deıdi, - ádilet maıory Farıza Sembaeva.
Qaıtarymsyz grant utyp alǵan azamattardyń biri kondıterlik tseh ashpaqshy.
— Bıznes jobam maquldanyp, memleketten qaıtarymsyz qarajat alǵanyma qýanyp turmyn. Endi kásibimdi ashatyn bolamyn. Kondıter ónimderin shyǵaryp, halyqqa sapaly ónim usynamyn.Kondıterlik ónimder árdaıym suranysta. Kondıterlik ónimder shyǵarýǵa qajetti qural-jabdyqtar, arnaıy zamanaýı apparattar satyp alyp kásibimdi bastaımyn. Jeke kásip ashsam degen ótinishime qulaq asyp, kómek kórsetken jergilikti atqarýshy organdar men Qyzylorda qalalyq probatsııa qyzmetine alǵysym sheksiz, - dedi eseptegi azamatsha.
