Qyzylordada prank úshin lıftide tóbeles shyǵarǵan turǵyn jazalandy
QYZYLORDA. KAZINFORM — Qyzylorda oblysynda ǵımarattaǵy lıftide sózge kep qalǵandardyń áreketi tóbeleske ulasqan.
Jergilikti tártip saqshylary áleýmettik jelilerge monıtorıng júrgizý barysynda osyndaı keleńsizdikti anyqtady.
— Olar osy áreketimen lıftidegi basqa adamdarǵa qaýip tóndirgen. Beınejazbanyń sońynda azamattar bul árekettiń prank ekenin aıtqan. Atalǵan derek boıynsha Qyzylorda qalasynyń Nursultan Qasymbek esimdi 20 jastaǵy turǵyny polıtsııaǵa jetkizilip, sot sheshimimen oǵan aıyppul túrindegi jaza taǵaıyndaldy, — delingen oblystyq polıtsııa taratqan habarlamada.
Polıtsııa mundaı orynsyz ázilder zańǵa qaıshy ekenin eskertip, azamattardy qoǵamdyq tártipti saqtap, aınalasyndaǵy adamdarǵa qurmetpen qaraýǵa úndedi.
Buǵan deıin Qyzylorda qalasynyń 25 jastaǵy turǵyny Aıǵanym Artyqbek TikTok-taǵy tikeleı efırde beıádep sóz aıtqany úshin jazalanǵan edi.
