Qyzylordada polıtsııa qyzmetkerine qatysty qylmystyq is qozǵaldy

QYZYLORDA. KAZINFORM – Qyzylorda oblystyq polıtsııa departamenti Aral aýdanynda tártip saqshysynyń para alyp ustalǵany týraly aqparatqa qatysty resmı málimdeme jasady. 

– Qyzylorda oblysy polıtsııa departamenti qyzmetkeriniń zańsyz is-áreketine qatysty qylmystyq is tirkeldi. Basqa málimetter Qylmystyq protsessýaldyq kodekstiń 201-babynyń talabyna sáıkes jarııalanbaıdy, - delingen habarlamada. 

Departament zań buzýshynyń mártebesine qaramastan kez kelgen zańsyz áreketti qatań aıyptaıtynyn málimdedi.

– Qazirgi ýaqytta tirkelgen derektiń barlyq mán-jaıyn anyqtaý úshin qyzmettik tergeý júrgizilip jatyr, - delingen habarlamada. 

Buǵan deıin biz Qyzylorda qalasynyń № 2 soty Ulytaý oblysy Sátbaev qalasynyń burynǵy prokýroryna qatysty sot protsesin aıaqtaǵanyn jazǵanbyz.