Qyzylordada polıtseıler esirtki prıtonyn joıdy

QYZYLORDA. KAZINFORM - Qyzylordada polıtseıler esirtki prıtonyn joıdy.

Qyzylorda oblysy Polıtsııa departamenti esirtki qylmysyna qarsy is-qımyl basqarmasynyń qyzmetkerleri oblys ortalyǵynda turǵyn úılerdiń birinde esirtki prıtonyn joıdy. Bul shara «Nashaqorlyqqa jol joq» jobasy aıasynda Qyzylorda oblystyq prokýratýrasynyń úılestirýimen júzege asty. 

- Úıdi tintý kezinde qapqa salynǵan keptirilgen shóp tárizdes jáne tostaǵanǵa quıylǵan belgisiz suıyq zat, gaz plıtasy, shprıtster jáne basqa da aıǵaqty zat tárkilendi. Saraptama nátıjesimen tárkilengen zat 2 kelige jýyq keptirilgen marıhýana jáne 25,5 mıllıgram apıyn (opıým) psıhotroptyq zaty ekeni anyqtaldy. Oǵan qatysty sot sanktsııasymen 2 aı merzimge kúzetpen ustaý bultartpaý sharasy qoldanyldy. Atalǵan derek boıynsha tergeý amaldary júrgizilýde, - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda burynǵy mektep dırektory «Artsport» baǵdarlamasy boıynsha jalǵan qujattar usynyp, memleketke 13,3 mln teńge shyǵyn keltirgen.