Qyzylordada paıdaly qazbalardy zańsyz óndirgender ustaldy

QYZYLORDA. KAZINFORM – Qyzylorda oblysynyń prokýratýrasy oblys aýmaǵynda tabıǵı resýrstardy óndirýdiń zańdylyǵyna baılanysty birlesip júrgizilgen reıdtik sharalar nátıjesin jarııalady.

Prokýratýranyń baspasóz qyzmeti habarlaǵandaı, Qyzylorda qalasy, sondaı-aq Jańaqorǵan, Syrdarııa, Jalaǵash jáne Qazaly aýdandarynda keń taralǵan paıdaly qazbalardy zańsyz óndirýdiń 8 deregi anyqtaldy.

- Quqyqbuzýshylyqqa qatysy bar kúdiktiler polıtsııa bólimderine jetkizilip, paıdalanylǵan arnaıy tehnıka aıyppul turaǵyna qoıyldy. Qazirgi ýaqytta jınalǵan materıaldar keltirilgen zalaldy anyqtaý jáne kináli tulǵalardy jaýaptylyqqa tartý úshin ýákiletti organdarǵa joldandy, - delingen habarlamada. 

Buǵan deıin Qyzylorda oblystyq ekonomıkalyq tergep-tekserý departamenti zańsyz oıyn bıznesin uıymdastyrǵan Qyzylorda qalasynyń turǵynyna qatysty qylmystyq isti tergedi.