Qyzylordada ózine jáne 6 muǵalimniń shotyna negizsiz aqsha aýdarǵan esepshi sottaldy
QYZYLORDA. KAZINFORM — Qyzylorda oblysy Qarmaqshy aýdanyndaǵy № 99 orta mekteptiń esepshisi 2022-2024 jyldar aralyǵynda artyq avanstyq tólemdi óziniń jáne 6 sybaılas muǵalimniń esepshotyna júıeli túrde negizsiz aýdaryp otyrǵan.
Oblystyq ekonomıkalyq tergep-tekserý departamentiniń málimetinshe, bul somany býhgalterlik esepte jasyrý úshin tanysymen birge áreket etken.
— Nátıjesinde memleketke 50 mln 918,5 myń teńgeden astam zalal keltirgen. Qylmystyq is boıynsha 8 adamǵa qatysty Qarmaqshy aýdandyq sotynyń úkimi shyqty. Soǵan sáıkes esepshi 7 jylǵa bas bostandyǵynan aıyryldy. Al onyń sybaılastaryna 8 mln 422 mln teńgege jýyq qarajattyń óndirilýine baılanysty 3,5 jyldan 7 jylǵa deıingi aralyqta bas bostandyǵyn shekteý jazasy taǵaıyndaldy, — dedi departamenttiń tergeý basqarmasynyń basshysy Medeý Taýbaı.
Eske salsaq, Qyzylorda oblystyq ekonomıkalyq tergep-tekserý departamenti buǵan deıin oblys ortalyǵynda Q-net kompanııasynyń qurylymdyq bólimshesin áshkereledi.