Qyzylordada ózgeniń kóligin satyp jibergen adam ustaldy

QYZYLORDA. KAZINFORM — Qyzylordada ózgeniń kóligin satyp, aqshany qaltaǵa basqan adam ustaldy.

Alaıaqtyń qurbany bolǵan jergilikti turǵyn bolǵandyǵyn aıtyp, polıtsııaǵa aryzdanǵan. Áıeldiń aıtýynsha, qyrkúıek aıynda jergilikti turǵyn senimine kirip, «Lexus» úlgisindegi avtokóligin satyp beremin dep ýáde berip, kólikti ıemdenip alǵan. 

«Kúdikti qala turǵynyna jalǵan aıtyp, avtokóligin satyp jibergen. Óziniń aldanǵanyn túsingen azamatsha dereý polıtsııa basqarmasyna aryzben júgindi. Jábirlenýshige 5,6 mln teńge kóleminde shyǵyn keltirilgen. Jedel-izdestirý sharalarynyń nátıjesinde 28 jastaǵy kúdikti ustaldy.Ol Qyzylorda qalalyq polıtsııa basqarmasynyń ýaqytsha ustaý ızolıatoryna qamaldy. Onyń basqa da osyǵan uqsas qylmysqa qatysy bar-joǵy tekserilip jatyr. Atalǵan derek boıynsha sotqa deıingi tergep-tekserý áreketteri júrgizilýde», — dep málim etti Qyzylorda oblystyq polıtsııa departamentinen.

Eske salsaq, budan buryn Qyzylorda oblysynda óz mindetin oryndamaǵan josyqsyz uıymdardan 40 mln teńge óndirildi.