Qyzylordada ózge etnos ókilderi de Naýryzdy toılady
QYZYLORDA. KAZINFORM – Naýryznama onkúndiginiń Yntymaq kúninde oblystaǵy etnomádenı birlestikter, oblystyq QHA jáne «Qoǵamdyq kelisim» KMM «Naýryz - dostyq alańy» atty merekelik is-shara uıymdastyrdy.
Osy kúni naýryz kóje men palaý ázirlenip, etnos ókilderi men mekeme qyzmetkerleri asyq atý, láńgi tebý, gir kóterý jáne arqan tartýdan ózara synǵa tústi.
— Qazaq halqy ulttyq oıyndarǵa baı. Osy oıyndar arqyly urpaqtyń myqty ári jigerli bolyp ósýine yqpal etip, olardyń bereke-birligi men yntymaǵyn jalǵastyryp otyrǵan. Biz de Ulystyń uly kúninde osy merekeni asyǵa qarsy alyp, qazaqtyń ulttyq oıyndaryn birge oınaımyz, — dedi nemis etnomádenı ortalyǵynyń tóraıymy Irına Shek.
Merekelik shara sońynda jeńimpaz qyz-jigitter men men komandalarǵa syı-sııapat jasaldy.
Naýryz meıramy elimizdegi barlyq ult ókilin jańarý, birlik jáne izgilik sekildi qundylyqtar arqyly biriktiredi.
Aıta ketelik Astanada Naýryz merekesine arnalǵan aýqymdy is-sharalar ótip jatyr.