Qyzylordada oıyn-saýyq oryndarynda beımezgil júrgen 242 jasóspirim ustaldy
QYZYLORDA. KAZINFORM — 28 aqpan men 2 naýryz aralyǵynda Qyzylorda oblysynda respýblıkalyq «Jasóspirim» jedel profılaktıkalyq is-sharasy ótti.
Oblystyq polıtsııa departamentiniń qoǵamdyq qaýipsizdik basqarmasy habarlaǵandaı, osy úsh kúnde 320 ákimshilik hattama rásimdeldi. Kámeletke tolmaǵan 14 adam ishki ister organdarynyń esebine alynyp, qadaǵalaýsyz jáne panasyz qalǵan 3 jasóspirim kámeletke tolmaǵandardy beıimdeý ortalyǵyna jatqyzyldy.
— Bala tárbıesi boıynsha mindetin oryndamaǵan 29 ata-anaǵa hattama toltyryldy. Kámeletke tolmaǵan adamdy jábirleýdiń (býllıng, kıberbýllıng) 1 deregi anyqtalyp, ata-anasyna hattama toltyryldy. Kámeletke tolmaǵandardyń túngi ýaqytta oıyn-saýyq mekemelerinde bolýyna jol bergen 15 orynnyń ıeleri men ákimshilik meńgerýshilerine hattama rásimdeldi. 6 jaǵdaı buzaqylyq jasaý, 10 jaǵdaı túngi tynyshtyqty buzý, 242 jaǵdaı oıyn-saýyq oryndarynda jáne úıinen tys jerde beımezgil júrýge baılanysty, — delingen habarlamada.
Odan bólek 19 ata-ana kámeletke tolmaǵandardy tárbıeleý, oqytý jáne (nemese) baǵyp-kútý jónindegi mindetin oryndamaıtyn, olardyń minez-qulqyna teris áser etetin kámeletke tolmaǵandardyń ata-analary men zańdy ókilderiniń profılaktıkalyq esebine alyndy.
Buǵan deıin Qyzylorda oblysynda jolaýshylar tasymaly salasyndaǵy tártipti kúsheıtý maqsatynda 5 kúnge sozylǵan «Tasymaldaýshy» jedel profılaktıkalyq is-sharasy qorytyndylandy.
