Qyzylordada ótken 3 aıda 177 sheteldik el aýmaǵynan shyǵaryldy
QYZYLORDA. KAZINFORM - Qyzylorda oblysynda jyl basynan beri kóshi-qon zańnamasynyń talaptaryn buzǵan 177 sheteldik el aýmaǵynan shyǵaryldy.
Oblystyq polıtsııa departamenti kóshi-qon qyzmeti basqarmasynyń málimetine súıensek, ótken úsh aıda óńirimizge túrli maqsatpen kelgen 4 142 sheteldik ýaqytsha tirkeýge alyndy. Onyń 4 myńnan astamy – TMD memleketteriniń azamattary.
Kóshi-qon salasyndaǵy zańnama talaptaryn buzǵan 276 sheteldik Ákimshilik kodekstiń 517-baby boıynsha ákimshilik jaýapkershilikke tartyldy. Onyń 105-i Qazaqstan aýmaǵynda bolý merzimi ótip ketse de eline qaıtpaǵan.
Sheteldik nemese azamattyǵy joq adamdardyń eńbek qyzmetin zańsyz júzege asyrǵan 27 otandasymyzǵa Ákimshilik kodekstiń 519-babymen ákimshilik shara kórildi.
Jýyrda Túrkistan oblysynda kóshi-qon zańnamasyn buzǵan 16 adam jaýapqa tartyldy.