Qyzylordada órtten kelgen materıaldyq shyǵyn 43%-ǵa azaıdy
QYZYLORDA. KAZINFORM — Jyl basynan beri Qyzylorda oblysynda 178 órt oqıǵasy tirkeldi.
Oblystyq tótenshe jaǵdaılar departamentiniń málimetinshe, odan 35 mln 266 myń teńge materıaldyq shyǵyn kelgen. Bul ótken jylmen salystyrǵanda 43%-ǵa tómen. Qyzyl jalynnan 8 adam jaraqat alǵan.
— Órttiń basym bóligi turǵyn úı sektorlarynda bolǵan. Oǵan negizinen turǵyndardyń qaýipsizdik sharalaryna salǵyrt qaraýy, ıaǵnı turmystyq peshterdiń tehnıkalyq jaǵdaıyna mán bermeýi, balalardy qaraýsyz qaldyrýy jáne órt qaýipsizdigi erejelerin saqtamaýy sebep. Qaýiptiń aldyn alý maqsatynda polıtsııa departamentiniń qyzmetkerlerimen, qoǵamdyq birlestiktermen, volonterlermen birlesken profılaktıkalyq jumys atqarylyp keledi. Kópqabatty turǵyn úılerdiń jertólesi men shatyryn panalap júrgen turǵylyqty turaǵy joq adamdardyń temeki shegýi jáne ashyq otty paıdalanýy saldarynan bolatyn órtke tosqaýyl qoıýǵa tártip saqshylary, páter ıeleri kooperatıviniń ókilderi tartylǵan, — dedi departamenttiń basqarma bastyǵy Beıbithan Spanov.
Qutqarýshylar osy oraıda oblys turǵyndarynan jasóspirim balalardy úlkenderdiń qaraýynsyz qaldyrmaýdy, aqaýy bar elektr jabdyqtary men qondyrǵylaryn, gaz peshteri men gaz jabdyqtaryn qoldanbaýdy, ǵımarattar men turǵyn úılerde, belgilenbegen oryndarda temeki shekpeýdi, órt qaýipsizdigi talaptaryn qatań saqtaýdy suraıdy.
Eske salsaq, Soltústik Qazaqstan oblysynda tabıǵı aýmaqtarda órt shyǵý jaǵdaılary jıiledi.
