Qyzylordada ortasha aılyq ataýly jalaqy mólsheri belgili boldy
QYZYLORDA. KAZINFORM — QR Strategııalyq josparlaý jáne reformalar agenttigi Ulttyq statıstıka bıýrosynyń Qyzylorda oblysy boıynsha departamenti óńirdegi bir qyzmetkerdiń ortasha aılyq ataýly jalaqysynyń mólsherin jarııalady. Ol — 385 myń teńge.
Sonymen qatar eń joǵary eńbekaqy qaı salalarǵa tıesili ekeni belgili boldy.
— Eń joǵary shamasy ónerkásip, kólik jáne qoımalaý, qarjy jáne saqtandyrý qyzmeti salalarynda — 609 527 teńge men 657 361 teńge aralyǵy. Eń tómengi shamasy kórsetilgen qyzmetterdiń ózge de túrlerin usyný salasynda 194 032 teńge bolyp belgilendi, — dedi departament basshysynyń orynbasary Aıbek Ábildaev.
Oblysta 15,6 myń adam resmı túrde jumyssyz retinde tirkelgen. Jumyssyzdyq deńgeıi — jumys kúshine qaraǵanda 4,5%. Al jasy 15-34 aralyǵyndaǵy jastar arasynda — 3,4%. NEET sanatyndaǵy jastar úlesi — 6,6%.
Al Mańǵystaý oblysynda aılyq jalaqy 6,2%-ǵa artyp, 660 myń teńgege jýyqtady.
