15:02, 30 Sáýir 2024 | GMT +6
Qyzylordada órt saldarynan 4 garaj, 6 saraı, 1 kólik órtenip ketti
QYZYLORDA. KAZINFORM - Qyzylorda oblysynda órt saldarynan eki qabatty turǵyn úıdiń janynda turǵan 4 garaj, 6 saraı, 1 kólik órtenip ketti.
Oqıǵa Qyzylorda qalasyndaǵy Aqjarma aýyldyq okrýgine qarasty Taldyaral eldi mekeninde bolǵan.
«Eki qabatty turǵyn úıdiń janynda 4 garaj, oǵan japsarlas salynǵan 6 saraı janyp ketken. Oǵan qosa «Toıota kamrı» jeńil avtokóligi otqa orandy. Saraı ishinde turǵyndardyń turmystyq zattary tolyǵymen janǵan», - dep málim etti. Qyzylorda oblysynyń TJD Órt sóndirý jáne avarııalyq-qutqarý jumystary qyzmetinen.
Eske salsaq, budan buryn Qyzylorda oblysyndaǵy bilim berý ortalyǵynda bolǵan órtten 60 adam evakýatsııalandy.
