Qyzylordada órt qaýipsizdigin saqtamaǵandarǵa 11,4 mln teńgeden astam aıyppul salyndy
QYZYLORDA. KAZINFORM — Kóktem mezgili bastalǵaly Qyzylorda oblysynyń memlekettik orman qory aýmaǵynda 26 órt oqıǵasy tirkeldi.
Oblystyq tótenshe jaǵdaılar departamentiniń málimetinshe, jalpy aýdany 1296 gektar jerdi qyzyl jalyn sharpyǵan.
— Oblys aýmaǵyndaǵy memlekettik orman qorynyń jalpy kólemi — 7,3 mln gektar. Onyń 3,9 mln gektary — ormandy alqap. Órttiń negizgi bóligi jergilikti atqarýshy organdardyń qaraýyndaǵy orman alqabynda bolǵan, — dedi departament bastyǵynyń birinshi orynbasary Jasulan Túımenov.
Taldaý nátıjesi kórsetkendeı, tilsiz jaýdyń jartysyna jýyǵy elektr jelileriniń tozýy men aqaýly elektr quraldaryn paıdalanýdan shyqqan.
— Órt qaýipsizdigi talaptaryn buzǵan azamattarǵa qatysty qoldanystaǵy zańnamaǵa sáıkes ákimshilik sharalar qabyldandy. Jyl basynan beri 596 ákimshilik hattama rásimdelip, 11,4 mln teńgeden astam aıyppul salyndy, — dedi departament ókili.
2026 jylǵy 1 tamyzda elimizdiń memlekettik orman qory aýmaǵynda 7 orman órti tirkeldi.
