Qyzylordada ónimge kóńili tolmaǵan tutynýshylarǵa 6,4 mln teńge qaıtaryldy
QYZYLORDA. KAZINFORM — Qyzylorda oblysynda tutynýshylarǵa barlyǵy 6,4 mln teńge qaıtaryldy.
Jyl basynan beri Qyzylorda oblysy boıynsha saýda jáne tutynýshy quqyǵyn qorǵaý departamentine 203 ótinish kelip túsken.
Atalǵan ótinishter boıynsha zań aıasynda tıisti sharalar qabyldanýda.
«Tutynýshy tarapynan keletin aryz-shaǵym azaıar emes. Onyń basty sebebi — kóleńkeli saýdanyń qurbany bolyp, alaıaqtarǵa aldanýy, tutynýshy óz quqyǵyn bilmeýi jáne chek talap etpeýi. Byltyr tutynýshylardyń buzylǵan quqyǵy boıynsha 114 ótinish kelip túsken. Bıyl olardyń sanyn 203-ke jetti. Onyń ishinde 60 ótinish qanaǵattandyrylyp, 71 ótinish basqa memlekettik organdarǵa joldandy. Osynyń nátıjesinde tutynýshylarǵa barlyǵy 6,4 mln teńge kóleminde qarjy qaıtaryldy», — deıdi Qyzylorda oblysy boıynsha saýda jáne tutynýshylar quqyǵyn qorǵaý departamenti basshysynyń orynbasary Nurlybek Bımýrzaev.
Azyq-túlik taýarlarynyń sapasy men anyqtamasynyń talapqa saı kelýin qadaǵalaý maqsatynda «Sapaly ónim» jobasy júrip jatyr.
Búginde Tutynýshylardyń quqyǵyn qorǵaý týraly zańǵa ózgerister men tolyqtyrýlar engizilýde.
