Qyzylordada olımpıadalyq rezerv mektebiniń dırektory men bas esepshisi sottaldy

QYZYLORDA. KAZINFORM - Qyzylordada memleketke jalpy 21,7 mıllıon teńgedan astam múliktik zalal kelgtirgen mektep dırektory men bas sesepshisi sottaldy.

Bul qylmystyq is Qyzylorda qalasynyń №2 sotynda qaraldy. 

Sottalýshy balalar men jasóspirimderdiń olımpıadalyq rezerv mektebiniń dırektory qyzmetin atqarǵan. Ol qyzmet babyn paıdalaný arqyly bas esepshisiniń kómegimen óziniń shotyna 2018-2023 jyldar aralyǵynda bıýdjet qarajatyn zańsyz aýdartyp alǵan. Ony jeke bas paıdasyna jaratyp, memleketke iri mólsherde zalal keltirgen.

«Bas esepshiniń qylmystyq áreketinen memleketke jalpy 21,7 mıllıon teńgedan astam múliktik zalal kelgen. Sot otyrysynda olar taǵylǵan aıypty moıyndap, óz áreketine ókinetinin kórsetken. Sottalýshy júkti ekenin, asyraýynda kámeletke tolmaǵan balalary baryn eskerip, bas bostandyǵynan aıyrýǵa baılanysty emes jaza taǵaıyndaýdy surady. Jábirlenýshi ókili sottalýshylar shyǵyndy tolyq ótegenin jáne basqa talaby joq ekenin kórsetti. Sot úkimimen sottalýshyny QR Qylmystyq kodeksiniń 189-baby 3-bóligi 1), 2), 3)-tarmaqtarymen kináli dep tanyldy. Ol belgili bir laýazymdardy atqarý quqyǵynan ómir boıyna shettetilip, 2 jyl merzimge bas bostandyǵynan aıyrý jazasy taǵaıyndaldy», - dep málim etti Qyzylorda qalasynyń №2 sotynan.

Al balalar men jasóspirimderdiń olımpıadalyq rezerv mektebiniń dırektory QR Qylmystyq kodeksiniń 28-baby 5-bóligi 189-baby 3-bóligi 1),2),3)-tarmaqtarymen, 189-baby 3-bóligi 1)-tarmaǵymen kináli dep tanyldy. 

«Oǵan atalǵan kodekstiń 58-baby 3-bóliginiń talabyna saı onsha qatań emes jazany neǵurlym qatań jazaǵa sińirý arqyly belgili bir laýazymdardy atqarý quqyǵynan ómir boıyna shettetiildi. Oǵan túpkilikti 3 jyl merzimge bas bostandyǵynan aıyrý jazasy taǵaıyndaldy. Sottalýshyǵa QR Qylmystyq kodeksiniń 74-baby 1-bóligi qoldanyldy. On tórt jasqa tolmaǵan balalary bar áıel retinde jazany oryndaý bes jylǵa deıin keıinge qaldyryldy», - dep tolyqtyrdy sottan.

Eske salsaq, budan buryn Qyzylordada ata-enesiniń atynan nesıe alǵan áıel sottaldy.