Qyzylordada oqýshynyń ólimine sebepker bolǵan jasóspirim sottaldy
QYZYLORDA. KAZINFORM - Qyzylorda qalasynda mektep oqýshysyna soqqy jumsap, ony abaısyzda óltirip alǵan jasóspirimge qatysty sot úkimi shyqty.
Bul qylmystyq is Qyzylorda oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynda qaraldy. Oǵan qatysty kámeletke tolmaǵan sottalýshyǵa qatysty abaısyzda ólimge ákep soqqan densaýlyqqa qasaqana aýyr zııan keltirý faktisi boıynsha qylmystyq is qozǵalǵan edi.
«Belkól kenti orta mektebiniń oqýshylary turǵyn úılerdiń biriniń kireberisine jınalǵan. Sol sátte sottalýshy O. kámeletke tolmaǵan A.-men janjaldasyp qalǵan. Oǵan keýde aımaǵyna eki soqqy jasap, saldarynan jábirlenýshi júrektiń reflektorlyq toqtaýy saldarynan oqıǵa ornynda qaıtys bolǵan. Ssottalýshy kinásin ishinara moıyndady. Saraptama qorytyndysyna sáıkes, jábirlenýshige soqqydan keýde qýysynyń jabyq jaraqatynan júrektiń reflektorlyq toqtaýy, jiti júrek-qan tamyrlary jetkiliksizdigi jaraqaty keltirilgeni anyqtaldy», - dep málim etti Qyzylorda oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynan.
Vedomstvo málimetinshe, sot úkimimen kámeletke tolmaǵan sottalýshy O. QR Qylmystyq kodeksiniń 106-babynyń 3-bóliginde kózdelgen qylmystyq quqyq buzýshylyq jasaǵany úshin kináli dep tanyldy. Oǵan 6 jyl 8 aı merzimge bas bostandyǵynan aıyrý túrindegi jaza taǵaıyndaldy.
Eske salsaq, budan buryn Qyzylorda oblysynda bıyl 1,3 tonnadan astam esirtki tárkilendi.
